ரூ.1,920 கோடி சம்பளம் வாங்கும் அமெரிக்க குத்துச்சண்டை வீரர் மேவெதர்; போர்ப்ஸ் இதழ் தகவல்

வாஷிங்டன்,

உலகிலேயே அதிக சம்பளம் வாங்கும் விளையாட்டு வீரர்களின் பட்டியலை பிரபல போர்ப்ஸ் இதழ் வெளியிட்டுள்ளது. இதில் அமெரிக்க குத்துச்சண்டை வீரர் பிளாயிடு மேவெதர் முதலிடம் பிடித்துள்ளார். கடந்த 4 ஆண்டுகளில் 3-வது தடவையாக மேவெதர் முதலிடத்தை பிடித்திருக்கிறார்.

புதிய பட்டியலில் விளையாட்டு வீரர்களின் சம்பளம் மட்டுமில்லாது போனஸ், பரிசுத்தொகை, போட்டியில் பங்கேற்பதற்கான கட்டணங்கள் மற்றும் கடைசியாக 12 மாதங்களில் பெற்ற வருமானங்கள் ஆகியவை கணக்கில் எடுத்துக் கொள்ளப்பட்டன.

உலகிலேயே அதிக சம்பளம் வாங்கும் விளையாட்டு வீரர்களின் டாப்-10 பட்டியல் பின்வருமாறு:-

1. பிளாயிடு மேவெதர், குத்துச்சண்டை வீரர், அமெரிக்கா (ரூ.1,920 கோடி)
2.மேனி பாக்கிவோ, குத்துச்சண்டை வீரர், பிலிப்பைன்ஸ் (ரூ.1,024 கோடி)
3.கிறிஸ்டியானோ ரொனால்டோ, கால்பந்து, போர்ச்சுகல் (ரூ.509.44 கோடி)
4.லயனல் மெஸ்ஸி, கால்பந்து, அர்ஜெண்டினா (ரூ.472.32 கோடி)
5.ரோஜர் பெடரர், டென்னிஸ், சுவிட்சர்லாந்து (ரூ.428.8 கோடி)
6.லீபிரான் ஜேம்ஸ், கூடைப்பந்து, அமெரிக்கா (ரூ.414.72 கோடி)
7.கெவின் துராந்த், கூடைப்பந்து, அமெரிக்கா (ரூ.346.24 கோடி)
8.பில் மைக்கேல்சன், கோல்ப், அமெரிக்கா (ரூ.325.12 கோடி)
9.டைகர் உட்ஸ், கோல்ப் வீரர், அமெரிக்கா (ரூ.323.84 கோடி)
10.கோப் பிரயண்ட், கூடைப்பந்து, அமெரிக்கா (ரூ.316.8 கோடி)